Калкулатор за бања - од димензиите на просторијата до готова понуда

Клиентот прашува колку ќе чини бањата. Мерите на лице место, сметате на телефон, препишувате во Excel. Некаде меѓу третиот ѕид и фуг масата се појавува разлика од два квадрати. Таа нема да излезе на виделина додека работата не заврши.

Потоа оди како и обично. Материјалот се потроши ден пред крајот, а истата серија ја нема повеќе. Трудот за сечење околу изводите го нема во понудата, зашто не се гледа во мерите. А клиентот го памти бројот што сте му го кажале по телефон.

Калкулаторот за бања ја прави таа сметка наместо вас. За минути и на ист начин секој пат.

Чекор 1: ја обиколувате просторијата

Повеќето пресметки почнуваат со два броја - должина и ширина. Потоа доаѓаат инсталациската вертикала во аголот, вградениот казанец, нишата за шампоните, закосениот агол до вратата. Секое од нив се смета напамет и токму таму се губат квадратите.

Тука внесувате секој ѕид со неговата должина. По него кажувате каде свртува контурата: навнатре, нанадвор или под агол. Вратата се обележува на својот ѕид со две копчиња - „Врата" или „Прозорец" ставаат готови димензии, кои потоа ги менувате.

Што решава ова. Вертикалата веќе не е одделно прашање. Таа е само дел од обиколката со два надворешни агли. Истото важи за нишата, за прагот на тушот и за маската на кадата. Секој надворешен раб влегува во сметката како раб што треба да се затвори со лајсна или да се сече под 45 степени.

Ако сте пропуштиле ѕид, калкулаторот не молчи. Кажува колку останува и по која оска.

Чекор 2: површините излегуваат сами

Штом контурата ќе се затвори, горе се појавуваат шест броја: под, периметар, ѕидови нето, надворешни агли, ѕид над облогата и изведената фира.

Тука се гледа зошто машината смета подобро од нас. Прагот на тушот зазема од подот, затоа подот не е должина по ширина. Нишата и казанецот додаваат страници кон ѕидовите, а покриваат дел од нив. Вратата се одзема. Сето тоа се ситни сметки што на лице место се прават напамет и се грешат.

Зошто е така направено. Мерите го тоа што го гледате - ѕидови, ниши, прагови. Не мерите површини. Површините се резултат, не влез.

Чекор 3: ја избирате облогата и опфатот

По површините доаѓаат одлуките:

• форматот на подните и на ѕидните плочки
• ширината и длабочината на фугата и густината на масата
• бројот изводи во ѕидовите
• докаде стига хидроизолацијата
• каков е таванот
• како се затвораат надворешните агли
• има ли подготовка на подлогата

Што решава ова. Секој избор покажува или крие цели редови во сметката. Бања обложена до таван нема ред за боење над облогата.

Ако изберете аголна лајсна, доаѓаат лајсната и нејзината монтажа. Ако изберете сечење под 45 степени, доаѓа трудот за сечењето. Кај него се кршат повеќе парчиња и количината за нарачка се крева.

Густината на фуг масата исто така е поле, а не постојана вредност. Цементната е околу 1700, епоксидната околу 1500, а онаа со кварцен полнител минува 1800. Ако ја погрешите, грешката излегува во килограми.

Чекор 4: нишите, праговите и изработките

Нишата, преградата за вградениот казанец, прагот за тушот и маската за кадата се внесуваат со трите димензии и со број. Санитаријата и електриката - само со број: WC школка, мијалник, батерии, туш кабина, поден сифон, приклучница, светилка.

Што решава ова. Изработките и монтажите се ситни редови што поединечно изгледаат незначително, а собрани ја прават разликата меѓу заработка и работа со загуба. Самиот производ останува надвор од сметката, освен ако не изберете артикл за него. Калкулаторот не одлучува наместо вас дали ја продавате санитаријата или само ја монтирате.

Чекор 5: артиклот за секоја позиција

За секој ред калкулаторот предлага артикл од вашиот каталог, познат по име и мерна единица. Изборот се памти за следниот пат.

Зошто не е автоматски докрај. Автоматското поврзување го фаќа најблиското по име. Кога каталогот навистина го нема потребниот артикл, најблиското понекогаш е спротивно по значење - „монтажа" наместо „демонтажа". Затоа изборот стои пред вашите очи и се менува на лице место.

Има и осигурувач: ако ставите артикл што се мери на квадрат таму каде што се плаќа на метар, грешката излегува веднаш. Не десеткратна количина во готовата понуда пред клиентот.

Чекор 6: две количини, две различни цели

Секоја позиција излегува со два броја.

За ситуација е точно колку што покрива површината.

За нарачка е првото плус тоа што ќе замине во кофата при сечењето. Колку ќе замине зависи од четири работи: форматот на облогата, големината на просторијата, начинот на редење и обработката на аглите. Големиот формат во тесна бања се сече многу повеќе од ситниот во широка.

Кое од двете влегува во сметката не е ваш избор. Тоа го следи начинот на кој се плаќа работата:

• Трудот се брои по ситуираното. Поставувањето на шеснаесет квадрати ѕид си е шеснаесет квадрати, без оглед на тоа колку парчиња се скршиле при сечењето.
• Материјалот се брои по нарачаното. Го плаќате материјалот што сте го купиле, не оној што останал на ѕидот.

Лајсните имаат и трето правило: се продаваат на шипка. Потреба од 6.40 метри при шипка од 2.50 значи три шипки, односно 7.50 платени метри. Затоа редот за лајсна покажува 6.40 за ситуација и 7.50 за нарачка.

Лепакот и фуг масата имаат свои норми и не ја следат облогата. Фугата пак воопшто не се смета на квадрат. Таа се смета од форматот на елементот и од ширината на фугата. Кај голем формат фуги има малку, кај ситен - многу.

Зошто не еден број. Затоа што двата служат на различни луѓе. Едниот оди кај клиентот, другиот кај добавувачот. Слеани во еден, или ситуирате повеќе од изведеното, или нарачувате помалку од потребното.

Чекор 7: позициите влегуваат во сметката

Пресметаните редови одат право во предмер-пресметката или во понудата, со количини и цени. Никакво препишување, никаква втора датотека.

Копчето стои на две места: во лентата со позиции, додека ја пишувате пресметката, и во списокот со предмер-пресметки - за кога почнувате директно од бањата.

Ако го пуштите калкулаторот уште еднаш, тој кажува колку редови од него веќе има во сметката и ве прашува: да ги додаде новите кон нив или да ги замени.

Не само облогата

Во една бања се менува многу повеќе од облогата. Токму овие работи најчесто остануваат надвор од понудата:

• Хидроизолација - површината, лентата по аголот меѓу подот и ѕидовите, манжетните околу изводите, со избор докаде стига влажната зона
• Таван - боење, спуштен гипс-картон или панели
• Рушење на старото - облога, кошулка, санитарија, плус одвозот на отпадот
• Подготовка - израмнување на подот и на ѕидовите, пред да се лепи што било
• Изработки - ниша, преграда за вградениот казанец, праг за туш, праг на вратата, маска за када
• Санитарија и електрика - монтажата на секој производ одделно

Трудот што исчезнува од понудите

Материјалот е лесниот дел. Заработката обично се губи во трудот, зашто тој не се гледа во мерите.

Во сметката влегуваат одделни редови за секоја работа: поставување на подот, поставување на ѕидовите, обложување на страниците околу вратата, монтажа на лајсните, сечење под агол, дупчење околу изводите.

Секоја од нив има своја цена и своја мерка. Едни се плаќаат на квадрат, други на метар, трети на парче.

За фирма што штотуку почнува

Нема подготовка. Каталогот е готов од првиот ден: над илјада артикли со ориентациони цени, вклучувајќи го секој материјал и секоја услуга што ги користи калкулаторот. Вашата прва понуда може да биде во денот на регистрацијата, а цените стануваат ваши штом ги имате своите.

Што останува за вас

Двете количини се запишуваат на секој ред, но засега се гледаат само во самиот калкулатор. Одделна колона во сметката, во извозот и во печатењето за добавувачот допрва следува.

Калкулаторот не нарачува ни по цели пакувања. Ако облогата се продава на кутија од 1.44 квадрати, ќе добиете 3.47 квадрати, не три кутии. Исклучок се лајсните - тие се купуваат на шипка и тоа веќе се брои.

Не одлучува ни дали да има када или туш, каде да помине сифонот и како да изгледа бањата. Смета само тоа што сте го одлучиле вие.

И не го заменува увидот на лице место. Крив ѕид и под што паѓа два сантиметри се гледаат само таму.

---

Ако допрва влегувате во темата, почнете со водичот за предмер-пресметка.